Oiz Inguratzen

Oiz Inguratzen
scroll
BTT Ibilbidea: Oiz Inguratzen
rating

Oiz Inguratzen

Ibilbide honetan Oiz mendia guztiz inguratuko dugu. Bertatik begi-bistan dugun paisaia paregabea da: Urdaibaiko kostaldea, Gipuzkoako zenbait mendikate, Gorbeia eta Durango inguratzen duten mendi zoragarriak.

 

Durangoko Madalena plazatik Frantzisko Ibarra kalea zeharkatu eta N-634 errepidea
gurutzatuko dugu Iurretarantz.

Behin errepidea gurutzatuta, eskumatara dagoen lehenengo bidea hartuko dugu San
Mames ermitarantz. Autopista gainetik pasatuko gara eta bi kilometrotan errepide
aldapatsu bat igoko dugu San Juan ermitara heldu arte. Hortik 300 metrora dagoen
bidegurutzean ezkerretara hartuko dugu Goiurirantz (BI-3341) eta, aurrerago, 900
metrora, eskumara dagoen Oiz mendira doan bidea hartuko dugu. Forestala pasatu eta pista nagusiari jarraituko diogu Oizko San Kristobal ermitara (12,8 Km) heldu arte,
irteera honen punturik altuena. Hemen ezkerretara hartuko dugu porlanezko bide
estuago batetik (2 Km gutxi gora behera eta oso aldapatsuak).

Beheko bidegurutzean (15 Km), eskumarantz hartuko dugu Kortaun auzorantz.
Kontuz! Kortaunen (18 Km) pista nagusia utziko dugu eta eskumatara, basorantz sartuko gara. Segituan, hesi bat pasatuko dugu eta jarraian beste bat.

Ondoren, 3,5 Km egingo ditugu basoko pista batetik beherantz, Ziortzara. Ziortzako
Kolejiatara (21,5 Km) heldutakoan, BI-4401 errepidea hartuko dugu baina 800 m egin
ondoren, errepide nagusia (22,3 Km) utzi eta Muñozgurenera igoko gaituen pista
aldapatsua hartuko dugu eskumarantz. Ondorengo 2,3 Km-ak oso aldapatsuak dira eta goian (24,6 Km) ezkerretara, Muñozgurenera, hartuko dugu.

Muñozgurenetik Trabakuara jaitsiko gara BI-4403 errepidetik. Trabakuan Berrizera doan BI-633 errepidea hartuko dugu eta, Berrizera heldu baino lehenago (34,7 Km), eskumatara dagoen Besoita auzora igoko gara. Baserri bideetatik Andikoara igo eta, ondoren, Ereñara jaitsiko gara eta, bertatik, Durangora helduko gara.

Oharra: Fisikoki gogorra bada ere, ez du teknika handirik eskatzen. Ia pista osoa asfaltoa denez, oso egokia da lurra bustita dagoenerako. Ibilbide hau ez dago seinaleztatuta.

42,21 km 3 ordu 1.280 m Oso gogorra
Jaitsitakoak: pdf kml trk
Ibilbidea
Mapa handiago
  • 1)OIZ.KLM.kml
Interesatuko zaizulakoan
  1. BTT Ibilbidea: Oiz Inguratzen

    Ibilbide honetan Oiz mendia guztiz inguratuko dugu. Bertatik begi-bistan dugun paisaia paregabea da: Urdaibaiko kostaldea, Gipuzkoako zenbait mendikate, Gorbeia eta Durango inguratzen duten mendi zoragarriak.

     

    Durangoko Madalena plazatik Frantzisko Ibarra kalea zeharkatu eta N-634 errepidea
    gurutzatuko dugu Iurretarantz.

    Behin errepidea gurutzatuta, eskumatara dagoen lehenengo bidea hartuko dugu San
    Mames ermitarantz. Autopista gainetik pasatuko gara eta bi kilometrotan errepide
    aldapatsu bat igoko dugu San Juan ermitara heldu arte. Hortik 300 metrora dagoen
    bidegurutzean ezkerretara hartuko dugu Goiurirantz (BI-3341) eta, aurrerago, 900
    metrora, eskumara dagoen Oiz mendira doan bidea hartuko dugu. Forestala pasatu eta pista nagusiari jarraituko diogu Oizko San Kristobal ermitara (12,8 Km) heldu arte,
    irteera honen punturik altuena. Hemen ezkerretara hartuko dugu porlanezko bide
    estuago batetik (2 Km gutxi gora behera eta oso aldapatsuak).

    Beheko bidegurutzean (15 Km), eskumarantz hartuko dugu Kortaun auzorantz.
    Kontuz! Kortaunen (18 Km) pista nagusia utziko dugu eta eskumatara, basorantz sartuko gara. Segituan, hesi bat pasatuko dugu eta jarraian beste bat.

    Ondoren, 3,5 Km egingo ditugu basoko pista batetik beherantz, Ziortzara. Ziortzako
    Kolejiatara (21,5 Km) heldutakoan, BI-4401 errepidea hartuko dugu baina 800 m egin
    ondoren, errepide nagusia (22,3 Km) utzi eta Muñozgurenera igoko gaituen pista
    aldapatsua hartuko dugu eskumarantz. Ondorengo 2,3 Km-ak oso aldapatsuak dira eta goian (24,6 Km) ezkerretara, Muñozgurenera, hartuko dugu.

    Muñozgurenetik Trabakuara jaitsiko gara BI-4403 errepidetik. Trabakuan Berrizera doan BI-633 errepidea hartuko dugu eta, Berrizera heldu baino lehenago (34,7 Km), eskumatara dagoen Besoita auzora igoko gara. Baserri bideetatik Andikoara igo eta, ondoren, Ereñara jaitsiko gara eta, bertatik, Durangora helduko gara.

  2. BTT Ibilbidea: Baso Artean

    Ibilbide honen ezaugarri nagusia basoak zeharkatzen dituela da. Beraz, BTTa atsegin dutenentzat interesgarriagoa da (lokatza, putzuak,…).

     

    Durangoko Madalena plazatik Frantzisko Ibarra kaletik behera, N-634 errepidea gurutzatuko dugu Iurretarantz. Ondoren BI-3341 errepidea hartuko dugu Goiurirantz, baina Iurretako hilerrira iristean, behealdeko eskumako pista hartuko dugu. Ondoren, zuzen jarraitu eta pinudi batera iritsiko gara. Bertan beste bidegurutze bat topatuko dugu, eskumatara hartuko dugu, beti ere, porlanezko pista bati jarraituz. Pinudiko malda gogorra da.

     

    Pinudia zeharkatu ostean baserri batzuk daude, ezkerretara egin eta San Juan ermitara helduko gara. Bertan ura edateko aprobetxa dezakegu, ibilbidean ez baitugu iturri asko topatuko.

     

    San Juanetik gorantz hartuko dugu eta BI-3341 errepidera iristean, ezkerrerantz joko dugu, Goiurirantz. 900 m egin eta gero, Oiz mendirantz doan porlanezko bidea hartuko dugu eta, 8,8 Km betetzeaz batera, Forestalera iritsiko gara. Hor, Oiz mendira daraman pista utzi eta ezkerreko pistatik behera hartuko dugu.

     

    Ondorengo bidegurutzean, eskumako pistatik egingo dugu aurrera. Ondorengo 3 Km-etan, 12. a bete arte, ez dago galtzerik. Pista honetan putzu asko topa ditzakegu eta ibilbide gorabeheratsua da. 12. Km-a betetzen dugunean, ezkerreko pista hartuko dugu beherantz. 12,7 egitean kontuz, ezkerrerantz hartuko dugu, 13,4.a arte. Bihurgunean ezkerretara hartu, jarraian pista utzi eta eskumatara egingo dugu pinu artean (hau lasterbide tekniko polita da). Maumeko baserri batera iritsiko gara eta, haren parean, ezkerretara dagoen bidetxo batetik gora egingo dugu. Ate bi zabaldu ondoren, Maumeko atarirantz gorantz egingo dugu. Maumeko Atarian (14,6 Km), eskumako pista hartuko dugu, eta 15,3. Km-an, berriz ere eskumatara egingo dugu pista zabalagotik Oromiñorantz.

     

    19.km-an, Muniketara doan BI-3332 errepidea topatuko dugu eta ezkerretara hartuko dugu, beherantz. Arriandiko industria-gunea pasatu ondoren, Durangorantz abiatuko gara bidegorritik.

  3. BTT Ibilbidea: Oiztik ikuspegia

    Ibilbide interesgarri honek Oiz mendira eramango gaitu. Bertatik, Durangaldeko panoramika ikusgarriaz goza dezakegu. Durangotik hasita dena da gorantz Losakanteretara heldu arte. Bertaraino, porlanezko bidea dago malda gogorrekin. Losakanteretatik Sarriara doan pista, nahiz eta tekniko samarra izan, bikaina da BTT zale amorratuentzat.

     

    Ibilbidea Durangon hasiko dugu Andra Maria elizan. Hortik, Kurutziaga kaleko bidegorria hartuta, Zeharmendieta kaletik, San Fausto auzoa zeharkatu eta, Abadiñoko Astola auzorantz joango gara.

    Abadiñoko futbol zelaira helduko gara eta Ibaizabal ibaia, gainetik, zubi txiki batetik zeharkatuz, BI-3323 errepidera aterako gara. Hor Traña-Matienarantz hartuko dugu. Baina 50 m egindakoan, eskumatara hartuta, hiru aukera izango ditugu. Guk erdikoa hartuko dugu, Lebario auzorantz.

     

    Baserri artetik pasa ondoren, N-634 errepidera aterako gara eta Bilboranzko norabidea hartuko dugu. 300 m aurrerago, errepide hau utzi eta Markinara doan BI-633 errepidera sartuko gara. Errotonda batera iristean, Garairantz egingo dugu. Lehenengo aldapa gogor hori amaitu orduko, eskumatara joko dugu Sarria auzora daraman bidetik.

     

    5,2. Km-a betetzean, ezkerrean dagoen pista aldapatsutik joko dugu eta, jarraian, eskumatara Errotetatik, etxe berri asko dauden toki batera iritsi arte. Hemen, ezkerretara egingo dugu eta bide horretatik igoko gara iaia Garaira heldu arte. 7,9. Km-an, iturri bat pasa ondoren, eskumatara doan pista txiki batetik abiatuko gara Garai ezker aldean, goian, utziz. 8. eta 10. Km-en arteko pista zatia polita da, baina teknikoa. 10. Km-an, Oizera daraman pistara aterako gara eta 15,4. Km-ra arte dena gorantz izango da.

     

    Kontuz 14. Km-an, alde batera utziko dugu ezkerreko pista, Oizko San Kristobalera darama. Eta eskumako pistatik segituko dugu 15,4. Km-ra arte. Hemen, Losakanteretan, pista nagusia utzi eta eskumako pista txikia hartuko dugu. Kontuz 16,6 Km-an, ezkerreko pistatik abiatu behar dugu-eta, jarraian eskumakotik. Ondoren, dena beherantz egingo dugu Sarriako bidera irten arte. Hor, ezkerrerantz, beherantz egingo dugu igo garen bide beretik; 20,5. Km-an aurrerantz egingo dugu, aldapa gogor eta motz bat igoz. Ondoren, 21,1. Km-an eskumatara hartuko dugu Ereña auzorantz.

     

    Behin Ereña gurutzatuta, BI-633 errepidea hartuko dugu eskumatara, Durangorantz. Jarraian, 24. Km-an, N-634 errepidetik abiatuko gara Durangorantz.

  4. BTT Ibilbidea: Kofradien bidea

    Oso ibilbide polita da Oiz eta Mugarra aldetik gabiltzalako. BTT zale amorratuentzat aproposa.

     

    Durangoko Madalena plazatik abiatuko gara, Frantzizko Ibarra kalea zeharkatu eta N-634 gurutzatuko dugu Iurretarantz. Behin errepidea gurutzatuta, BI-3341 errepidea hartuko dugu Goiurirantz. Goiuria auzoa atzean utzita, ibilbidearen 5,5 Km-an Forestalera eramango gaituen pista aldapatsua hartuko dugu ezkerretara Forestaleraino.

     

    Hor, Oizko errepidea hartuko dugu 9,5. Km-raino eta, hor, bide nagusia utzi eta ezkerretara dagoen pistatxo bat hartuko dugu, Maumeko atarirantz eramango gintuzkeena. Hori utzita, ezkerretara dagoen pista estua hartuko dugu; zati hau nahiko teknikoa da. Ondorengo bidegurutzean, ezkerrerantz, gorantz hartuko dugu eta bi kilometro eta erdian gorabeherak izango ditugu. Ezkerretara eta eskumatara dauden pistak alde batera utziz, zuzen jarraituko dugu ia 12. Km-a bete arte. 12.etik 16,5. Km-ra, Laixiarrera iritsi arte, aukera desberdinak edukiko ditugu.

     

    Laixiarretik pista bat hartuko dugu, berriro ere, BI-3341 errepidera eramango gaituena; pista honek hasieran beheranzko joera badu ere, gorabehera asko ditu. BI-3341 errepidea hartzen dugunean, 300 m-ra eskumatara dagoen pista hartuko dugu; lokatz eta putzu asko aurki ditzakegu. Hurrengo bidegurutzean, ezkerretara egingo dugu harrizko aldapa gogor eta labainkor batetik. Aldapa igotakoan, hurrengo bidegurutzean eskumatik abiatuko gara jaitsiera batetik. Jaitsitakoan, berriz ere, eskumatara hartuko dugu. Zuzen jarraitu hurrengo bidegurutzeraino.Hurrengoan, ezkerretara joko dugu; jaitsiera arriskutsu samarra da. Erdi aldera aldapa gogor bat dago, neguan lokatz askorekin igotzeko zaila.

     

    Aurrerantz jarraituta Bakixa auzora iritsiko gara. Hor, 23,5. Km-an, baserriak ezkerretara utziko ditugu eta asfaltozko bidea hartuko dugu Muniketarako bidera iritsi arte. Gero, eskumatara egingo dugu, BI-3332 errepidera. Jarraian, 24,9. Km-an, 200 m ingurura ezkerretara hartuko dugu (kontuz errepidea zeharkatzean).

     

    Pista estu batean sartuko gara (kontuz txakurrekin), berriz ere, N-634 errepidera iritsi
    arte. A-8 autopistaren azpitik pasatu eta, jarraian, N-634 errepidea hartuko dugu Zornotzarantz, baina segituan, 26. Km-an, 200 m-ra gutxi gorabehera, ezkerrerantz hartuko dugu, Bernabeiti auzora joateko (kontuz errepidea zeharkatzean). Trenbidea pasatuko dugu eta bidegurutzean ezkerretara. Aurrera egingo dugu ezkerrean erreka dugularik. Hurrengo bidegurutzean, berriz ere, ezkerretara hartuko dugu eta errekatxo baten gainetik igaroko gara.

     

    Kontuz 27,4. Km-an gutxi gorabehera, hiru pista estu topatuko ditugu-eta. Guk erdikoari jarraituko diogu (ezkerrekoa oso aldapatsua da eta eskumakoak urrundu egiten gaitu). Hortik, 27,4. Km-tik ia 29. Km-ra dena gorantz da eta nahiko bide teknikoa topatuko dugu. Gibelatik gora, azkenengo 700 m-ak, harrizko bidetik egingo ditugu, eta eskertzen da. 29. Km-an Marmoladarantz hartuko dugu, baina Landa Ederrara heldu aurretik, 500 m aurrerago, 29,5. km-an, ezkerreko pistatik joko dugu Santa Luziarantz. Santa Luzia pasa eta, 32,9. Km-an, pista nagusi hau utzi eta ezkerretara dagoen pistatxoa hartuko dugu (San Andres ermitara heldu baino lehenago).

     

    Dena behera eta zuzen egin ondoren, Orozketara doan BI-4331 errepidera irtengo gara. Hor eskumatara, beherantz, hartuko dugu eta, Santa Apolonia ermita ondotik pasatuta, Durangora iritsiko gara.

  5. BTT Ibilbidea: Anboto inguratzen

    Anboto inguratuko dugu Urkiolako Parke Naturaletik barrena, mendiaz gertu gertutik gozatzeko aukera ematen digu-eta.

     

    Durangoko Andra Mari Basilikatik abiatuta Ibaizabal Ikastolaraino joango gara. Hor, Ikastola atzean utziz, aldapa gogor bat igoko dugu Artazola auzorantz. Jarraian (2,2 Km), eskumatara hartuko dugu BI-632arekin paralelo doan bide estu batetik.

     

    Abadiñoko txaletetara helduko gara eta, horiek goialdetik zeharkatu, lantegi batera (3,8 Km) iritsi eta gorantz hartuko dugu erromatar bidetik. Horri jarraituz, Mendiolako bidea (4,5 Km) topatuko dugu. Hor, eskumatara, gorantz hartuko dugu eta Mendiolara iristean, aurrera egingo dugu; ezkerretara utziko dugu Sagasta auzorantz doan bidea. Gutxira, Atxarteko harrobietara iritsiko gara (7,2 Km).

     

    Zuzen garamatzan pista hartu, bertatik zubi bat pasatu eta malda laburra bezain gogorra igoko dugu. Jarraian, aldapa txikia duen baso-pista batean sartuko gara, baserri batera daraman pista eskumatara utziz. Ondoren, eskumatara bihurgunea dago eta ezkerretara baserri bi. Maldak pixkanaka gogortzen doaz eta ezkerretara utziko dugu Asuntzara (Pol-Pol) zuzenean garamatzan bidea. Igoera, 180º dituen bihurgune batean amaitzen da, 10,5. Km-an, gutxi gorabehera. Azken malda horretan iturri bat dago. Hortik aurrera zati erosoa da eta Anboto, Alluitz eta Aitxiki mendien bistak ikusteko aukera paregabea izango dugu.

     

    Txakurzulora helduko gara (12,8 Km) eta BI-623 errepidea hartuko dugu, Urkiolako
    mendatera igoko gaituena. Bertara heltzean (14 Km) errepide nagusia utzi eta ezkerreko bidea hartuko dugu. Eskumatara Santutegia ikusiko dugu eta ezkerretara aterpetxea eta iturri bat. Aparkalekua ezkerretara utzita, gorantz doan pistatik segituko dugu.  Asuntzako (Pol-Pol) landetara iritsiko gara, bertan (17,8 Km) iturri bat dago burdin ura dariola. Zuzen jarraitu, Anbotoko mendilerroa ezkerretara utzita, 500 m-ra gutxi gorabehera, igoera gogor baten ostean, bidegurutze batera iritsiko gara. Eskumatara doan bidea hartuko dugu Zabalandirantz. Ezkerretara Anbotora igotzeko bide-seinalea ikusiko dugu. Zabalandiko zelaira heltzean (20 Km), aurrera jarraituko dugu zuzen, Betsaideranzko jaitsiera luze bat hasiz. Informazio karteletara heltzean, aurrera egingo dugu Tellamendirantz, hau da, pista beretik jaisten jarraituko dugu.Laster, zelai txiki batera helduko gara eta harri txikerrak dituen bidetik jaitsiko gara, zuzen. Seinaleztatu gabeko bidegurutze batera iristean, ezkerreko goranzko bidea hartuko dugu (22,2 Km). Gure ezkerretara etxola bat eta bi bide utziko ditugu eta aurrera jarraitu.

     

    Landa batera iristean, aurrera eginez, ezkerreko bidexkatik joango gara (23,2 Km). Baso batera helduko gara; oso bide polita aurkituko dugu zorua harri, hosto eta sustraiekin. Horri jarraituz, aterpe batera iritsiko gara eta ezkerrean utziko dugu. 25,5. Km-an, gutxi gorabehera, bidegurutze bat aurkituko dugu hiru aukerekin, guk erdikotik hartuko dugu, Betsaiderantz. Hortik, Betsaidera helduko gara (26,9 Km), Araba, Bizkaia eta Gipuzkoa elkartzen diren lekura, hain zuzen ere. Bertan, ezkerretik doan bideari jarraituko diogu. Aurrerago (28,6 Km), ezkerreko bidea hartuko dugu, bestela Elorrion agertuko ginateke. Bide horretatik, jaitsiera luze baten ondoren, BI-4332 errepidera iritsiko gara. Eskumatara eginez, Apatamonasteriora iritsiko gara. Bertan BI-632 errepidean, ezkerretara hartu eta Durangora iritsiko gara.

  6. BTT Ibilbidea: Urkiola inguruan

    Ibilbide honek Urkiolako Parke Naturalera hurbilduko gaitu. Denbora askorik ez dugunerako aproposa da Txakurzuloraino baino ez gaituelako eramaten. Txakurzulotik Mañarira garamatzan pista, nahiz eta apurtxo bat teknikoa izan, oso polita da.


    Durangoko Andra Mari Basilikatik abiatuta Ibaizabal Ikastolaraino joango gara. Hor,
    Ikastola atzean utziz, aldapa gogor bat igoko dugu Artazola auzorantz.

     

    Jarraian (2,2 Km), eskumatara hartuko dugu BI-632arekin paralelo doan bide estu batetik. Abadiñoko txaletetara helduko gara eta,horiek goialdetik zeharkatu, lantegi batera (3,8 Km) iritsi eta gorantz hartuko dugu erromatar bidetik. Horri jarraituz, Mendiolako bidea (4,5 Km) topatuko dugu. Hor, eskumatara, gorantz hartuko dugu eta Mendiolara iristean, aurrera egingo dugu; ezkerretara utziko dugu Sagasta auzorantz doan bidea. Gutxira, Atxarteko harrobietara iritsiko gara (7,2 Km).

     

    Zuzen garamatzan pista hartu, bertatik zubi bat pasatu eta malda laburra bezain gogorra igoko dugu. Jarraian, aldapa txikia duen basopista batean sartuko gara, baserri batera daraman pista eskumatara utziz. Ondoren, eskumatara bihurgunea dago eta ezkerretara baserri bi. Maldak pixkanaka gogortzen doaz eta ezkerretara utziko dugu Asuntzara (Pol-Pol) zuzenean garamatzan bidea. Igoera, 180º dituen bihurgune batean amaitzen da, 10,5. Km-an, gutxi gorabehera. Azken malda horretan iturri bat dago. Hortik aurrera zati erosoa da eta Anboto, Alluitz eta Aitxiki mendien bistak ikusteko aukera paregabea izango dugu.

     

    Txakurzulora helduko gara (12,8 Km). Hor, errepidera iritsi baino 100 m lehenago,
    eskumatara, jaitsiera aldapatsua duen bide bat dago. Bide horrek ere BI-623 errepidera eramango gaitu. Metro batzuk aurrerago (15,3 Km), errepidea utzi eta eskumatara sartuko gara. Bertan, hesi bat dugu, beraz, bizikletatik jaitsi eta makurtuta igaro beharko dugu.

     

    Hortik aurrera igotzen segituko dugu mendi pistari jarraituz. 15,5. Km-an igoera bukatuko da eta jaisten hasiko gara. 17. Km-an bidegurutze bat aurkituko dugu eta eskumatara hartu beharko dugu, beherantz. Ia 18. Km-an asfaltozko errepide batera irtengo gara. Metro gutxi batzuk ezkerretara egin eta eskumako bidetxoa hartuko dugu, berriz ere. Dena beherantz, 200 m-ra beste bidegurutze bat aurkitzean, beherantz zuzen doan bidetik joko dugu. 18,8. Km-an BI-623 errepidearekin bat egingo dugu.

     

    Errepide horretatik jarraituta, lehenengo Mañaria eta gero Izurtza zeharkatuko ditugu. 22. Km-an dagoen errotondara iristean, eskumatara egingo dugu errepidea ekiditeko eta Tabirara sartzeko. Segituan iritsiko gara Durangora.
     

  7. BTT Ibilbidea: Durangaldeko ikuspegia

    Oso ibilbide polita da Anboto eta Mugarra ingurura hurbiltzen gaituelako. Satikularreko antenetara igotzean, handik goitik, zoragarria da Durangaldeko bailararen ikuspegia.

     

    Durangotik irtengo gara. San Roke kaletik BI-623 errepidearen azpitik pasatuko dugu eta, lehenengo bidegurutzean, zuzen jarraituko dugu San Andreserantz. Bide horri jarraituko diogu, baserri batzuk daude eta, gorantz eginez, San Andres ermita ikusiko dugu. Aurrera segituko dugu eta, baserri baten ondoan, 2,5 Km-an gutxi gorabehera, bidea pista egiten da. Horri jarraituz, pinuen artean merendero batera iritsiko gara eta gora jarraituko dugu.

     

    Laster, malda gogor bat aurkituko dugu harriz beteriko pista batera (3,5 Km) heldu arte. Pista horretatik Neberondora (4,5 Km) helduko gara. Iristean, antzinako elurtegia ikusiko dugu, baita merendero bat ere, paraje eder batean. Neberondon, ezkerrerantz hartuko dugu zuhaitz artetik, pista bat dago jaisteko. Hortik aurrera egingo dugu porlanezko bideraino. Bidegurutze horretan, ezkerretara joango gara Orozketarantz eta, aurrera jarraituz, lehen pasatutako merenderora (6,6 Km) iritsiko gara.

     

    Bertan, bidegurutzean, ezkerretara hartuko dugu, bide hori gorabeheratsua da; horri
    jarraituta, Santa Luziara (8,2 Km) helduko gara. Aurrera eginda, Landa Ederrera daraman pistara (9,4 Km) irtengo gara. Hor, eskumatara behera joko dugu, Orozketarantz. Behin Orozketa pasatuta, Durangora jaitsiko gaituen BI-4331 errepidetik segituko dugu. Durangon, San Roke kalea zeharkatu eta Ibaizabal Ikastolaraino joango gara.

     

    Ikastola atzean utzita eta San Pedro Tabirako ermita behin gurutzatuta, eskumatara hartuko dugu bide aldapatsu batetik (16,6 Km); bide hau mahasti batzuen ondotik doa. Santikularreko antenetara igotzeko maldak oso gogorrak dira. Hurrengo bidegurutzean eskumako pistatik gora abiatuko gara. Ia kilometro batera, Antenetara helduko gara, 19. Km-an gutxi gora-behera. Antenetara heltzean, beherantz abiatuko gara asfaltozko bide batera heldu arte eta, eskumatara (19,6 Km) hartuko dugu, beherantz.

     

    Bideari jarraituz, baserriak topatuko ditugu eta, 20. Km-an, horietako baserri biren artean dagoen bidexkatik sartuko gara eta, hortik, Mendiolara jaitsi. Mendiolako baserrietatik eskumatara dagoen bidea teknikoa da, hortik Atxartera jaitsiko gara. Hor, BI-4335 errepidea hartuko dugu Abadiñorantz. Baina jaisten hasten garenean, eskumatara (22,5 Km) doan lehenengo bidetik jo eta igotzen hasiko gara Sagastarantz.

     

    Hor, (24 Km), iturria dago uraz hornitzeko. Sagastako bidegurutzetik eskumatara eginda, pixka bat gehiago igoko dugu eta, jaitsiera azkar baten ondoren, Axpera (25,9. Km) iritsiko gara. Axpen ezkerretara hartuko dugu, BI-4332 errepidera, Apatamonasteriora jaisteko. Hor ezkerretara egin eta BI-632 errepidearen parean dagoen bidexkatik jarraitu Abadiñoraino. Abadiñon bidegorria hartu eta Durangora iritsiko gara.

  8. BTT Ibilbidea: Neberondo

    Ibilbide honek Mugarra aldera hurbilduko gaitu. Laburra (13 Km) izanda ere, asko igotzen dugu (406 m-ko guztira). Beraz, goitik ikusgai izango ditugun paisaiak zoragarriak dira.

     

    Durangotik irten eta, Aramotz auzunea zeharkatuz, BI-4331 errepidea hartuko dugu
    Orozketarantz.

     

    Lehenengo bihurgune itxira iristean, ia 3. Km-ra, ezkerretara dauden etxola artetik pista batdoa. Basoko pista horretatik gora jarraituz, Neberondora doan porlanezko beste pista batera helduko gara.

     

    Bidegurutze horretan eskumatara egingo dugu, gorantz. 400 m-ra merendero (4,6 Km) batera helduko gara eta gorantz egingo dugu. Hortik, malda gogorra aurkituko dugu harrizko pista batera heldu arte. Pista horretatik igota Neberondora (6. Km) helduko gara.

     

    Horra iristean, antzinako elurtegia ikusiko dugu, baita merendero bat ere, paraje eder batean. Neberondora heltzeko aldapa gogor honen ostean, jaitsiera dator. Merenderoaren atzeko aldetik dagoen bidexka batetik jarraitu eta porlanezko bide batera arte jaitsiko gara; hor, eskumatara hartu eta beherantz segituko dugu Santa Ageda ermitaraino. Ezkerretik bidexka bat dago, ermita gure eskuman utziz; basoko bide polit horri jarraituz Izurtzara (9,5 Km) helduko gara.

     

    Hortik, bidetxo horrek BI-623 errepidera aterako gaitu eta, hortik aurrera, Durangorako norabidea hartuko dugu. Errotonda batera heltzean, eskumatara joan, Tabirara, errepide nagusia ekiditeko; horrela, Durango erdialdera helduko gara.

  9. BTT Ibilbidea: Atxondon zehar

    Ibilbide honek Axpeko inguru natural ikusgarrira hurbiltzen gaitu eta paisaia paregabe honekin gozatzeko aukera ematen digu.

     

    Ibilbidea Durangon hasiko dugu. Uribarriko Andra Maria Basilikatik abiatuta, Ibaizabal  Ikastolaraino joango gara.

     

    Hor, Ikastola atzean utziz, aldapa gogor bat igoko dugu Artasola auzorantz. Jarraian (2,2 Km), eskumatara hartuko dugu BI-632arekin paralelo doan bide estu batetik. Abadiñoko txaletetara helduko gara eta, horiek goialdetik zeharkatu, lantegi batera (3,8 Km) iritsi eta gorantz hartuko dugu erromatar bidetik. Horri jarraituz, Mendiolako bidea (4,5 Km) topatuko dugu.

     

    Hortik eskumatara, gorantz joko dugu. BI-4335 errepidetik Mendiola pasatu eta hurrengo bidegurutzean, ezkerretara hartuko dugu Sagastarantz, eta igotzen hasiko gara. Sagastan iturria dago, ura hartzeko aukera. Sagastako bidegurutzetik, eskumako pistatik, gora egingo dugu 9,3. Km-raino. Jarraian, jaitsiera azkar eta arriskutsua dago Axpera iristeko. Axpen, frontoi ondotik, eskumako pistatik joko dugu Arrazolarantz. Beheko errepidera iristean, eskumatara hartuko dugu eta Arrazolaraino igoko gara (bidea amaitu arte).

     

    Ondoren, bide beretik jaitsiko gara Apatamonasterioraino. Aurrerago, bidegurutzera heltzean, eskumatara egingo dugu BI-632 errepidetik Elorriorantz, baina 200 m-ra errepide nagusi hori utzi eta ezkerrerantz egingo dugu autoak desegiteko leku baten albotik. Pista hau 19,8. Km-an hartuko dugu eta ia bi kilometro gorantz egin behar dugu (aldapa gogorrenak hasierakoak dira).

     

    Kontuz, 21. km-ra iritsi orduko, ezkerreko pistatik gora hartu behar dugu. 21,7. Km-an beherantz egingo dugu, ia 24. Km-raino. Hor, Gaztelura daraman bidera irtengo gara.

     

    Gorantz egingo dugu pista horretatik Gaztelura heldu arte. Hortik aurrera dena da beherantz asfaltozko bidetik. Jaitsiera hori bukatzean, BI-3323 errepidearekin bat egingo dugu. Jarraian, ezkerretara egin metro gutxi batzuk eta, ondoren, eskumatara dagoen zubitxotik Abadiñoko futbol zelaira helduko gara. Hor, eskumatara dagoen bidegorritik Durangora helduko gara.