Neberondora osteratxo bat

Neberondora osteratxo bat
scroll
Oinezko ibilbidea: Neberondora osteratxo bat
rating

Neberondora osteratxo bat

Ibilbidea Durangoko San Roke baselizan hasten da. Saihesbide azpitik igaro eta ezkerralderantz hartuko dugu. Hemendik gutxira berriro hartuko dugu ezkerraldeko bidea, eta San Rokeburu aisialdi-gunera eta Durangoko balkoira iritsiko gara.


Begiratokiaren eskuineko aldetik bidexka bat dago Bitaño auzora doana.


Bitañon, Palazio baserria ikusiko dugu (XVI-XVII) mendekoa, eta Zabala familiaren armarria ere bai.
Eskuinaldeko pista jarraituta Dolometa mintegira eta basozainen etxera helduko gara. Pistari jarraituz, gurutze batera helduko gara eta, han, ezkerrera hartuz, Neberondora helduko gara (440 m). Bertan neguan jauzitako elurra gordetzen zen izotz modura erabili ahal izateko eguraldiak epeltzen zuenean.


Neberondoko bigarren bidegurutzean ezkerrera hartuko dugu, Santa Luzia auzorantz alegia. Mugarrako iparraldean gaude, eta ondo zaindutako baserri batzuk ikusiko ditugu bertan.
Santa Luzia auzoa igarota, mendi-pistak bidegurutze batera eramango gaitu.

 

Ezkerreko bidea hartuz gero, Landaederra aisialdi-gunera iritsiko gara; eskumakoa hartuta, kilometro bat inguru harri-txintxarreko pistatik joango gara, baina gero bide asfaltatua aurkituko dugu: Orozketa auzora eramango gaituen bidea alegia.

 

Ibilbidea Durangon amaituko da.

Oharra: Ibilbide hau ez dago seinaleztatuta.

11 km 3 ordu 300 m Tartekoa
Jaitsitakoak: pdf pdf
Batez bestekoa (2 Botoak)
Batazbesteko balorazioa 3.5 izar, guztira 5.
Ibilbidea
Mapa handiago
Interesatuko zaizulakoan
  1. Oinezko ibilbidea: Santikurutz ermitar mamuari bira

     

    Ibilbide-sare honekin, Durangoko Udalak landa-inguruneko baliabideak eta natura-ondarea gerturatu nahi dizkie bertakoei eta bisitariei; azken urteotan handitzen joan den ondarea basoetatik lorturiko etekinak basoan bertan berrinbertitzeko udalak harturiko erabakiari esker. Bertan proposatzen diren txangoekin (eta horien arteko loturekin) erabiltzaileek herri-jabetzako basoez gozatu ahal izango dute besteak beste, aisialdi aktiboa praktikatzen duten bitartean.

  2. Oinezko Ibilbidea: Urkiolako Bidea

    Ibilbidea Durangoko Tabira auzoan hasten da: Gasteizera doan errepidea hartuko dugu. Izurtzara heldu baino lehenago, Etxaburu dorretxea ikusiko dugu.


    Espaloitik aurrera eginez, Izurtza zeharkatu eta Mañarira iritsiko gara. Mañaria igaro eta Urkiolako lehen maldetara iritsiko gara. Bertan, malda hasieran, ezkerraldean dagoen pistan gora hasiko gara.


    Bidean gora goazela inguru honetako landare asko eta asko ikusiko ditugu Untzillatx mendi magalean zehar. Baserri batzuen ondotik pasatuko gara: Solaguren, Arriaga eta Bizkarra, eta San Martin baseliza ere ikusiko dugu. Halaber, Elosu borda eta Gatzaieta baserria ere ikusiko ditugu.

     

    Azkenik, Txakurzulo baserri ondotik igarota, Urkiolako hiru gurutzeetara helduko gara: ikuspegi ezin ederragoaz gozatzeko aukera.

  3. Oinezko ibilbidea: Neberondora osteratxo bat

    Ibilbidea Durangoko San Roke baselizan hasten da. Saihesbide azpitik igaro eta ezkerralderantz hartuko dugu. Hemendik gutxira berriro hartuko dugu ezkerraldeko bidea, eta San Rokeburu aisialdi-gunera eta Durangoko balkoira iritsiko gara.


    Begiratokiaren eskuineko aldetik bidexka bat dago Bitaño auzora doana.


    Bitañon, Palazio baserria ikusiko dugu (XVI-XVII) mendekoa, eta Zabala familiaren armarria ere bai.
    Eskuinaldeko pista jarraituta Dolometa mintegira eta basozainen etxera helduko gara. Pistari jarraituz, gurutze batera helduko gara eta, han, ezkerrera hartuz, Neberondora helduko gara (440 m). Bertan neguan jauzitako elurra gordetzen zen izotz modura erabili ahal izateko eguraldiak epeltzen zuenean.


    Neberondoko bigarren bidegurutzean ezkerrera hartuko dugu, Santa Luzia auzorantz alegia. Mugarrako iparraldean gaude, eta ondo zaindutako baserri batzuk ikusiko ditugu bertan.
    Santa Luzia auzoa igarota, mendi-pistak bidegurutze batera eramango gaitu.

     

    Ezkerreko bidea hartuz gero, Landaederra aisialdi-gunera iritsiko gara; eskumakoa hartuta, kilometro bat inguru harri-txintxarreko pistatik joango gara, baina gero bide asfaltatua aurkituko dugu: Orozketa auzora eramango gaituen bidea alegia.

     

    Ibilbidea Durangon amaituko da.

  4. Oinezko ibilbidea: Tontorretako Ikuspegia

    Ibilbidea Tabirako San Pedro elizako parkean hasten da. Ezkerraldera jo eta Mañaria erreka gurutzatuko dugu.


    Zubia igaro eta eskuinalderantz hartuko dugu, aldapan gora. Bidearen eskuinaldean baserri bat ikusiko dugu, eta apur bat aurrerago, eskuinaldera, porlanezko bide bat. Horixe hartuko dugu.
    Aldapa osoa igotakoan, bidegurutze batera helduko gara. Bertan harri-txintxarrezko bidea hartuko dugu. Hurrengo gurutzean, eskuinaldera hartuko dugu, bide asfaltatuan gora.


    Hemendik lasterrera, ikuspegi zoragarria dago: Untzillatx, Astxiki, Alluitz, Anboto… Bidea jarraituta Larringan errotara helduko gara. Bertan, asfaltoa ezkerretara utzi eta errota aurretik igarotzen den belarrezko bidezidorra hartuko dugu.


    Larre berdeak, zuhaixkak eta pinudiak zeharkatuko ditugu beheranzko bidean. Halako batean, asfaltozko bihurgune batera helduko gara. Asfaltozko bidea jarraituko dugu Auzunera heldu arte. Bidearen eskuinaldean harraska bat ikusiko dugu, eta harraska ondoan bidexka bat. Horixe hartuko dugu: Betiko baserritik Atxartera eramango gaituen bidexka.


    Bidexka amaitu eta Atxarteko igarobidean sartuko gara, Untzillatx eta Astxiki artean. Atxarteko Kristoaren ermita igaroko dugu, gero erreka gaineko zubi bat: Alboan ur-errota baten aztarnak ikus daitezke. Porlanezko bidean gora jarraituko dugu, eta aparkalekua dagoen tokian, ezkerrerantz hartuko dugu, bidexka baten pendizetan gora. Pagadi bat igaro ostean, Guenzelai izeneko lautadara helduko gara. Guenzalaitik ezkerrera hartuta Artolarako bide malkartsua dago, eta handik Astxikira (ezkerretara) edo Alluitzera (eskumara) joan daiteke. Gu, ostera, beste bidetik hartuko dugu, haitz-magalen paretik doana: Pol-Pol-erako bidea.


    Bide erdian, Amilla iturria dago, pagadi eder bat erdian hain zuzen. Aurrera eginez, beste pagadi batera helduko gara, eta han hasten da Pol-Pol-erako aldaparik gogorrenak. Izerdi apur bat bota ostean, Asuntzeko larretara iritsiko gara, Pol-Pol-era.

     

    Larrearen erdian metal-ureko iturri eder bat dago. Pol-Pol-etik abiatuta inguruko beste paraje eder batzuk ere bisitatu ahal ditugu: Larrano, Anboto edo Urkiolagirre. Bestela, Urkiolako Santutegira daraman pista hartu ahal da.

  5. Oinezko Ibilbidea: Mugarra

    Ibilbidea Durangoko San Roke baselizan hasten da. Hemendik ezkerreko errepidea hartuko dugu, Larrinagatxu auzorantz.


    Larrinagatxun, porlanezko horma baten ondoan, eskuinaldeko bide asfaltatua hartuko dugu. Hemendik bide zabalago bat hartuko dugu, Arrioletxe baserritik gertu. Durangaldearen ikuspegi ezin ederragoa izango dugu begien aurrean.

     

    Pista hartu eta pinudian sartuko gara. Bide bat aurkituko dugu: horiz eta zuriz margotua. Bide honek Santa Luzia auzora eramango gaitu. Pintura markak jarraituko ditugu harik eta txabola batera heldu arte.

     

    Pendiza gogor bat igo ondoren, Katazka haitzartera helduko gara, eta hemendik Mugarrikolandara helduko gara. Mugarrikolandan Oiñiturri iturrian edan dezakegu ur tragoxka bat. Ezkerraldean dagoen bidea hartuz Mugarra mendirantz joan gaitezke.

     

    Bai Mugarrikolandatik eta baita Mugarra tontorretik ere Durangaldeko paraje ederrez gozatuko dugu, eta sai asko ere ikusiko ditugu zeruan bueltaka.