Turismo Bulegoa eta Kurutzesantu Museoa

Turismo Bulegoa eta Kurutzesantu Museoa
Turismo Bulegoa eta Kurutzesantu Museoa
Turismo Bulegoa eta Kurutzesantu Museoa
Turismo Bulegoa eta Kurutzesantu Museoa
rating
bag

Turismo Bulegoa eta Kurutzesantu Museoa

Turismo Bulegoa  Kurutzesantu Museoan dago (Kurutziaga, 38). Bertan, informazio turistikoa eskura daiteke: audiogida bidezko ibilbideak, bisita gidatuak, ostatuetako erreserbak, etab.

 

ASTELEHENA ASTEARTEA ASTEAZKENA OSTEGUNA OSTIRALA LARUNBATA IGANDEA
LUNES MARTES MIÉRCOLES JUEVES VIERNES SÁBADO DOMINGO
MONDAY TUESDAY WEDNESDAY THURSDAY FRIDAY SATURDAY SUNDAY
LUNDI MARDI MERCREDI JEUDI VENDREDI SAMEDI DIMANCHE
  10.00 - 14.30 10.00 - 14.30 10.00 - 14.30 10.00 - 14.30 10.00 - 14.30 10.00 - 14.30
    * 16:00-18.30 16:00-18.30 16:00-18.30 * 16.30 - 18.30 * 16.30-18.30
             
 
* Goi Sasoia: Aste Santua, Uda, San Fausto (Urr. 13) eta Abendua. Sasoi altuan, asteazkenetan arratsaldez ere irekita. Larunbat eta igandeetan arratsaldetan, soilik Museoa.
* Temporada Alta: Semana Santa, Verano, San Fausto (13 Oct.) y Diciembre. En T. Alta, abierto también los miércoles por la tarde. Sábados y domingos por la tarde solo el Museo.
* High Season: Easter, Summer, San Fausto (13th Oct.) and December. In high season, also open on Wednesday afternoons. Saturday and Sunday afternoon just the Museum.
* Haute Saison: Pâques, Été, San Fausto (13 Oct.) et Décembre. En haute saison, ouvert également le mercredi après-midi. Le samedi et le dimanche l´àpre-midi uniquement le Musée.

 

"KURUTZIAGA GURUTZEA" BISITA AUDIOGIDATUA

Gurutzearen sekretuak Turismo Bulegoan dagoen audiogidaren bitartez ezagutu ahal ditugu.

Doakoa da. Iraupena: 10 min.

Hizkuntzak: Euskaraz/  Gazteleraz/ Ingeleraz/ Frantsesez. 16 urtetik gorakoentzat gomendatua.

Taldeentzat bozgorailuaren aukera daukagu; bozgorailuaren bidez, talde osoak batera entzuten ditu azalpenak.

PREZIOA: Doan.

ERRESERBAK: Turismo Bulegoan.

 

KURUTZESANTU MUSEOA

Kurutziaga gurutzearen gordeleku eta babeslekua da. Gurutze gotiko eder horrek Monumentu Historiko-artistiko kategoria du.  XV. mende bukaera eta XVI. mende hasiera bitarte altxatu zuten. Gurutze horrek istorio bat kontatzen du, behealdetik hasita: fusteak bekatua eta zigorra irudikatzen ditu; gora joan ahala, kapitelak, Eliza eta ebanjelioa adierazten ditu; eta azkenik, goialdean, gurutzaduran, berrerospena irudikatzen da, hau da, barkamenaren eta salbazioaren mezua, esperantza.

Gurutze gotikoa da, baina eragin flandestar eta alemaniar nabarmena du. Antza denez, gurutzea landu zuenak bazekien zer korronte artistiko zeuden garai hartan.

Hainbat bertsio daude gurutzearen esanahiaren inguruan; ezagunena Durangoko heretikoekin loturikoa da. Aitzitik, egile batzuek Vera Cruz kofradiarekin eta ermitarekin lotzen dute, eta beste batzuek, besterik gabe, mugatze-funtzioa zuela uste dute.

Durangoko heretikoak

Teoria hedatuenaren arabera, gurutzea pekamenezko monumentu gisa egin zuten, XV. mendean "Durangoko heretikoak" izenez ezaguna zen erlijio-talde disidente bat zegoelako Urian.

Esaten denez, Frai Alonso de Mella frantziskotarrak, beste frantziskotar batzuekin batera, sinesmen heterodoxoak zabaldu zituen, eta 1437-1441 urteen inguruan Espiritu Santuaren Aroa iritsi zela aldarrikatu zuten.

Mugimendu hark jarraitzaile asko izan zituen, batez ere, jende umilaren eta menderatuen artean, Erdi Aroko krisia pairatzen zutenen artean.

Mugimendu hura gogor zapaldu zuten, eta jarraitzaile batzuk heriotzara kondenatu eta erre ere egin zituzten.

Vera Cruz kofradia eta ermita

Bestetik, ikonografiak Vera Cruz kofradiarekin ere lotzen du gurutzea. Kofradia hark Vera Cruz ermitan zuen egoitza.

Vera Cruz ermandadeek gurutzea, Kristoren Odol Guztiz Baliotsua, heriotza onerako prestatzea eta Ama Birjina berreroskide eta Aingeruen Erregina gisa gurtzen zituzten.

Debozio hori XIII. mendetik aurrera hedatu zen Europan, baina Euskal Herrian, XVI. mendean izan ziren nabarmen eta ugari Vera Cruz kofradiak.

Mugatze-funtzioa

Hala ere, beste batzuen iritziz, Kurutziagako gurutzea hiribildua zedarritzeko mugarria ere izan zitekeen.

Batez bestekoa (1 Bozkatu)
Batazbesteko balorazioa 2.0 izar, guztira 5.
Callejero